A ganz geheimer Geheimtipp
... und der woar sooo geheim, dass i ihn zuerst selber gar ned gfundn hab.
Aber der Reihe nach: gestern wollt ma an kleinen Spaziergang um den Brunnsee in der Gegend von Weichselboden machn, a bissl Hirsch lousn (Hirsche röhren hören).
Der Brunnsee hat kaan Zufluß und wird unterirdisch vom Hochschwabwasser gespeist, is sozusagn a riesiger Quelltopf. Ungefähr hab i gwusst, wo der See sein müsst (zur Not hab i ja es Google Maps aufm Handy, hab i ma dacht!).
Allerdings: Da der See von der Straße aus ned einsehbar is, hammas nach zwei Stopps und vergeblichen Versuchen, ihn via GPS zu findn, aufgebm und san unverrichteter Dinge (i a wengerl frustriert) wieder zruck gfahrn.
Der Grund: De Gegend is sooo verlossn oder sooo von Berg umgebm, dass durt kaan Handy-Empfang gibt! Also ah ka Ortungssignal für Google Maps...
Zweiter Anlauf: Heut hab i es ma vurher genau auf da Kartn angschaut, hab ma die Karte außerdem aufs Handy gspeichert und bin erst DANN losgfahrn.
Diesmal war mei Versuch von Erfolg gekrönt und es war a wunderschöner Spaziergang des Tal entlang. Ma könnt durt ja zwaa Stund entlang gehn ohne schwierign Anstieg, sogar fast Kinderwagentauglich is der Weg (leichter isses mit ana Rückentrage).
So wars heut a beschaulicher ruhiger und sehr sonniger Sonntag im Brunntal, des echt a Geheimtipp bleibm sollt!!! Also: PSSSST!!! Nix weitasogn!!! I habs nur EUCH verrotn, sunst neamd!
P.S.: Hirsch hab i heut kaane ghört. Angeblich isses dafür no a wengerl z'fruah, weil zuu warm, hab i ma sagn lassn. Dafür war sunst ummadum die totale Ruhe und Stille, so richtig zum Abschaltn und Genießn!
20 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.