Moch ma a Brühmass !......

....und könnt´s euch vorstellen wos des is ?
Jetzt woas i des nähmlich a wieda.

Gaunz afoch es is a Brandteigmasse. Und die moch ma jetzt. Dass i des aungeh mit den Brandteigkropfan is der Grund - die Eier im Kühlschrank gehörn mal weg.

Jetzt amol a bissal Geschichte über dem Brandteig (Brühmasse), weil die Zutaten und die Maß könnts aun den Bildern entnehmen.

Also wia der Toag und des Ergebnis gelingt is a net so schwer. Viele glaum , wenn ma die Eier die ma nocheinaunda einrüht in die heiße Masse einrührt , dann gerinnt des Eiweiß. Wos eigentlich net stimmt, wenn ma des a richtig mocht. grins.
Denn wenn ma de Eier in die heiße Maß einrührt... do verbind sich des olles viel besser und die Eidotter ziagt viel besser in die Mehlmasse ein. Dadurch hebt sich des dann im Backrohr besser und wird net katschig , wenn dann a Zeitl heraussen san.
Wos ma nu beachten sollte... Nur net zu oft aufmocha... und net glaum mit an Backpulver wird des besser... Salz allan gnügt.
Sobald die Mass staundfest wird, kauns verarbeitet werden.
In di Höh sollen sie aufgehn und net auf die Seit´n, .... daun hobt´s a olles richtig gmocht. A jo - auf 190 Grad wird des olles bocha...und 10-15 Minuten sollns schon drinnen sein.
Die Grundmasse die i do aungib... die kann ma sich selbst halbieren oda dritteln... wias beliebt.
Wenns a Gusta zum nochmocha bekommen hobt´s - wünsch ich gutes gelingen.