Salzaklamm

A kurzer Titel mit vielen Km.

In da Früh bin i schon mit dem Auto auffi - noch St.Sebastian. A bissal wos eingekauft... weil sich a Besuch aungsogt hot. Und i wollt auf die Gach´n wos bocha.
Aber bevors so weit wor, hob i ma denkt , wenn i an guat´n Schritt hinleg... könnt i a Runde ziang.
Von St. Sebastian is den St.Sebastiani - weg rein gaunga und zuerst mal noch Mariazell.... Durch den Ort durche und den Kreizberg runter zum Eingang zur Salzaklamm.
Die maschiert ma daun durch und kommt auf die Straße zum Kreuzberg raus.... Die Strass überquert und die Forststraße rauf zur Stehralm. Danach schorf recht rein und daun geht´s erst mal fost waagrecht bis zum Schertlerkreuz. Do hob i natürlich a hin wollen...... und wos is do glott passiert ? Nochdem i a paar Bilder gschoss´n hob,.... wollt i a Schnapserl zu meinen Gipfelsieg trinken... Nur wor´n do echt nur mehr a paar Tropferln drinnen. Natürlich hob i mi glei wieda zaumpockt und bin weida .... auffi auf die Bürgeralm......
....... Beim Pfanni wor heut gaunz schön wos los. Zum Renga hots a hergschaut , deshalb is glei weida gaunga.
Owe noch St. Sebastian. Hob eh schon an Gned ghobt, weil jo der Besuch angesagt wor. Und genau beim runterwandern , haums a schon angerufen. Wo i leicht bin... Poah des wor ma gor a bissal schnell. An Blick auf die Uhr hot ma zagt, dass net gaunz 14 Uhr wor. Selber hob i ma denkt , dass vielleicht um viere kumman. Weil des wär sich ausgegangen.
Also haum ma sich in St. Sebastian getroffen. Wor echt lässig... Getraschelt haum ma... Durscht glöscht und a aum Flohmarkt gschaut.
Dahoam aukumma - is amol der Flachmann augfüllt worn...und daun hob i des bocha , wos i jo für meinen Besuch hergestellt hätt.
Wird sich nächstes Mal bessa passen...und do gibt's daun wieda wos frisches....
Do kaun ma schon schreim... A Tog mit ollem Drumm und draun... grins.