So schön hätt´s sein können......... wenn.....

52Bilder

....net a poor Ärgerlichkeiten den schönen Tag a bissal getrübt haben.

Auwa i faung von vorne an. Auf den Turntalerkogel wollt i heut maschiern. Dass a gewaltige Tour wird mit einigen Km... hob i eh gwußt. Und !!!!!! Im Ganzen - hot´s jo eh paßt.
Des Auto hob i auf der Seebergalm abgestellt und bin glei drauf los maschiert... Mei Erstes Ziel wor die Göriacher Alm. A super Tagerl hot hergschaut, und es wor a gor net Kalt. So is dahin gegangen...und net laung hot´s dauert und i wor auf der Göriacher Alm.... Wunderschön is do oben... nur leida worn koane Leit oben..... ( is a jo nu net aufgetrieben ) Umgegsehn hot ma super auf die Turnauer Alm. Denn genau des wor jetzt mei Zweites Ziel. Bevor ma den Makierten Wanderweg , links auffi geht zur Turnaueralm... hot´s mit dem Lärm und Geruch aungfaunga. San glott Motocross Fahrer daher kumma... Na... runter san´s zuerst , ... genau auf dem Markierten Wanderweg... und glei wieda auffi auf´n Berg. Mei Erster Gedanke.... muaß des sein ? Do in der Natur ? ....
Auf jedem Fall hot i do beim Aufstieg aufpaßt ob ma de net wieda entgegen kommen , und mi gor zaumfiahn. Gatschat und Olles zerfahren wors bis auffi.... Ehrlich ? ! I wor a bissal sauer..... Angekommen auf der Turnaueralm, wär i zum Schutzhaus gegangen... Und des hot natürlich a zua ghobt. Hob i a glaubt.... a Schutzhaus sollt offa sein. Und des bei dem Weda. Also wieda a kloan´s No-co.... Deshalb is weida gaunga auf die Rotsohlalm.... Do hot sich mei Gmiad wieda erholt - bei dem schönen Anblick der Natur. Danach is über die Höh auffi gaunga zum Turntaler Kogel... Traumhaft kaun i do nur schreim... Noß wor i a schon , vom Schnee-stapfen, wos ma aber a total wurscht wor. Den diesen Tag hob i echt sehr genossen. Enegschriem hob i mi a ins Büchl... Wos holt nu übrig wor davon... grins. Über den Kamm is wieda zruck gaunga... Und noch 20 Km und einigen Stunden Marsch , is wieda mit dem Auto hoam gaunga.

Ps... als Nachsatz.
Im ganzen wors wirklich ein wunderschöner toller Tag

Push-Nachrichten auf dein Handy
MeinBezirk.at auf Facebook verfolgen
Die Woche als ePaper durchblättern
Newsletter deines Bezirks abonnieren

18 Kommentare

?

Du möchtest kommentieren?

Du möchtest zur Diskussion beitragen? Melde Dich an, um Kommentare zu verfassen.

Du möchtest selbst beitragen?

Melde dich jetzt kostenlos an, um selbst mit eigenen Inhalten beizutragen.