Fiaßbådn im Trefflingwasserfall
... hätt i zwar so ned unbedingt vorghabt... is aba passiert... zumindest an Fuaß hab i (glei mitsamt meim Schuach) drin gwoschn...
Losgangen samma in Sulzbichl, die Erika und i. Des is gleich nach Puchenstuben a Stückl runter. Wir hättn bis zur Trefflingfallhüttn eh mitm Auto fahrn können, sind aber schon a Stückl vorher losmarschiert (letztendlich a ganze Stund mehr gangen). Zerst gehts gmütlich ebm und sogar leicht bergab den Trefflingbach entlang und wir habm uns des gar ned vorstelln können, dass es noch tiefer gehn kann! A Wasserfall stürzt ja no weiter runter!
Der Trefflingfall is wirklich sehenswert, hat vüüü Wasser und nachher isses erst richtig bergauf gangen bis zur Hochbärneckhüttn. Entschädigt samma wordn mit ana Traumfernsicht von der Aussichtswarte obm aufm Hochbärneck und dem Ötscher direkt vor unsere Nasn.
Leider hamma dann nimmer sehr vü Zeit ghabt, die Erika hat in den Nachtdienst müssn und drum war der Abstieg recht rasch zu erledign, damit si ois no rechtzeitig ausgeht. Schön wars trotzdem, vor allem es Fuaßbad in der Treffling war herrlich erfrischend... (genaueres bei den Bildern)
19 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.