Dings …
Seid i Dings sog’n ko,
do woas i wia Ois hoast …
I hoff’ nua - won I mid Dia red,
das Du Des a Ois woast …
* © Gerhard Windhager *
Gedicht, Poesie, MUNDART
Oiwei ...
Oiwei is Wos,
wei oiwei Wos is,
won Nix waa – waas eeh nix,
wei wo Nix is konn aa Nix wean …
* © Gerhard Windhager *
Gedicht, Poesie, MUNDART
Woatn …
Jetz steh I do und woat,
wia im Kronknhaus voa Oat …
im Spitoi gabs oiwei wos zum segn,
do san vü Leit de eeh ned eini megn,
don no Doktan, Schwestan, Kronknpflega
und vielleicht a no a Nega …
Deitsche, Inda und Kineesn,
I glaub des waas donn eh scho gwesn …
Mia söba oba geht’s wo ondas schlecht,
wei mia waas jetz don endlich recht,
won si vum Heisl do de Tia …
… das de hoid aufgeht wünsch I mia...
Gedicht, Poesie, MUNDART
A großa Regn …
A großa Regn is passiat,
an jed’n Tropfn hob I g’spiat …
I steh jez do am Rond vum Woid
und eigntlich is mia sau koid …
I wünsch ma, Du waast jez bei mia,
das i Di wia de Tropfn g’spia …
an Regnbogn wuat i segn,
so wia hoid noch an großn Reg’n …
nua’s Gfüh wa so vü scheena won,
mia uns Zwa in die Oam fest hom …
den Regnbogn midanond erlebn,
des letzte Gfüh Dia a no gebn …
aus...
Gedicht, Poesie, MUNDART, Mundartgedicht
Je öda …
Wia I no a Lausbua woa,
so mid 5, 6 , 7 Joa -
do hob I so vü Bledsinn gmocht,
aloa häd des a Ondara nia gschofft …
Beim Fischn an Vota de Kedafisch aus lossn,
mein Freind auf da Wiesn gsteckt aa Gros in de Nosn,
mein Vota seine Zähnt am Bodn obi gschmissn,
mein Teddybean de letztn Hoa no ausgrissn …
kuazum es woa ned oafoch mid mia so ois Kind,
und de Joa san vagonga so fuachtboa und g’schwind...
Gedicht, Poesie, MUNDART
