Androthalm

Jetzt kumm ma zum zweiten Tog...

Guten Morgen !

Die Erste wor i , wos aufgstaundn is... Weil i afoch so an Morgen aufstehn sehn mog.... A gewaltige Wolkenformation gibt's do herom. Vom Wetter her hob i net song können, wias wird... wor gor a bissal Eigen. Also hob i zeitig mei Almrunde gedreht und a paar Bilder gschoßn... Dabei is ma aufgfolln, dass imma mehr zuamocht. Und beim Frühstück hot´s schon hernieselt... Jetzt worn ma am Überlegen, wia ma do tuan. Den Brandstein wollt ma erklimmen. Nach etwei-igen umadum diskutiern... san ma zum Entschluß kumma, dass ma sich erst mals auf die Androthalm begeben... wo ma von dort den Brandstein besteigen wollten um danach zu beratschlagen wia ma tan... Beim hinwandern und knopp vor der Alm hot´s sogar bei düsterer Nebelstimmung - gedonnert... und der Brandstein wor gor net zum ausmocha..... Und wos tuat ma do ? , wenn ma nu zwoa Stund do auffi braucht hätt ? Waun ma a nix aussiacht ?
Jo wos tuat ma do ? E-stecha in die Hittn.... und do wors so worm und gemütlich , dass ma a wengal länger hucka bliem san.
Also wors nix mehr mit dem Brandstein. A net so schlimm... weil i geh do im Septemba wieda auffa.
Danoch san ma zur Kulmalm rüber maschiert. Mah des is a Hittn... und a Panorama..... wia aus´n Bilderbuch.
Natürlich san ma do wieda zum hucka gwes´n... und Trunka und an sau deppat guat´n Reindling haum ma a griagt.
Über an Insider-tipp san ma daun runter noch Lassing und Pafferlacke raus zum grünen See. Des is a bissal a zäher Hatscher.... Und noch dem Seebewundern san ma zum Auto - und san hoamgfohrn.....

Des Weda ? Von Mystisch zum fost Renga und wieda Schön wern , wor Olles drinn.

Toll , wenn ma sich koan Stress aufkumma lost und a des Almleben genießen kaun.