Um oa Sackl Nuß - zweng.....
....Genau so is ma heit gaunga.
Bocha hob i... die Siegertorte die die Karin Stoll gwunnga hot.
Aber wegen oa Tort´n tua i nimma um, also wor mei Gedanke - a poor zusätzliche Malakoff - schnittn tät´n a gaunz guat.
Und so wors. Des Rezept und die Handhabung brauch i jo nimma schreim, des könnst´s euch von den vorhergehenden Berichten aussa-les´n.
I boch do mei Zeigl - und moch a die Crem.... stöll i fest, dass i genau um oa Sackl Nuß zu wenig hob.
Aussigschaut beim Fensta und glei losgstapft. Des Weda wor eigentlich gor net so schlecht.
Also nix wie rein - noch Mariazell um Nuß zum kaufen.
Eh klor - a bissal bläddl´n gehört dazua , wos ma aber auf der Halben Streckn vagaunga is.... do hot´s auwa so org zum Schütten angefangen, dass sich des anziehen einer Regenhaut gor nimma auszohlt hot. Pratsch noß wor i - und mit oan Sackl Nuß is glei wieda hoamgaunga. Die Alte Eisenbahntrasse hot dafür herholtn müssen. Wos ma do so auwa entdeckt. Der Wahnsinn. Do hob i sogor a Bild Mocha müssen. A Bärenklau - höher gewachsen wia a echt großer Mensch. Is schon gewaltig.
Zu hause angekommen, wors des Erste - des noße Gwandl ausziang und Trocken legen... grins.
Und daun hob i des gaunze Fertig gemacht. Mit den Bröserl der Nüsse und den Rest vom Schlogobers und den übrig gebliebenen Hörnchen is a supa Mittagessen entstanden... Na - a Mittogess´n wors nimma... eher a Abendessen.
Und danach is Ruhe eingekehrt. Do wor a daun Zeit für Handarbeit.
14 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.