Wohin soll i mi wenden.
- hochgeladen von Erika Bauer
Aufgstaund´n , aussigschaut und nochdenkt. Heut hot´s mi wieda mol aussizong und auffizong.
Nur des Weda wor irgendwie komisch. Mah hot net ausnehma können wias wirklich wird.
Also bin i mal los... auffi zu meine Hausberg. Mei Gedanke - sollt des Weda net viel wern , bin i jo glei wieda daham.... Aunkumma auf dem Tribein , wor Kerzerl anzünden a muaß , und glei is weida gauna zum Köckensattel...
Weil do hätt i a nu a Option ghobt..... entweda glei wieda owe Richtung Rasing.... sollt a Wetta kumma.
Aber bis dort hin hot´s gholtn.
Also wor mei Überlegung , wia geh i weida... Des wos ma im Hinterkopf herumgspenst hot... hot mi erst mals a bissal stocka loss´n, weil i jo gwußt hob... des wird weit und laung...und es geht gaunz schön auf Supstanz.....
Weil von mir aus über den Tribein und Köckensattel... is eh a schon laung gmua.
Aber i hob ma holt denkt... Geh i erst mal a Stückl weida... A poor Abzweigungen täts jo a nu gem... damit i net in da Höhe und ohne Unterschlupf vielleicht an Gewitter ausgsetzt bin.
So und nun varot i wor i daun hinmaschiert bin....
Auf den Gr.Zellerhuat bin i gewandert. Also des hot ma heut schon gaunz schön zagt, dass i echt nimma die Jüngste bin. Berg auffi Berg owe und wieda auffi... und des so oft , dass i aufgehört hob zu zählen.
Aber als i am Gipfelkreuz wor , wor a die gaunze Aunstrengung fost wieda vagess´n.
Do om hob i mal so richtig o-durscht und a poor Nuß ghabert.
Daun is wieda zruck gaunga... Über Moosbach und wieda hoam.
Einige Höhenmeter und Km hob i do zum Mocha ghobt.... Aber wia i mi kenn... woas guat, dass i die Runde gmocht hob, weil i do heuer sicha nimma auffikumm...
Und wos nu supa wor... Des Wetter hot paßt.
MeinBezirk.at auf
Die Woche als 
26 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.