D' NATUR
- hochgeladen von Leopoldine Strasser
D‘ Natur, de is so wundaschön
und vüfältig in da Wöit.
Es muaß oan do es Herz aufgehn,
siacht ma a blüahats Föid,
an Berg, aus dem a Quelln entspringt
und sprudlt bis ins Toi,
de oft an miadn Wondara
erfrischn tuat oimoi,
wonn d‘ Oimbleame stehnan do
in ihra gonzn Procht,
liabe Leit, i bitt, brockts nit z‘ vü ob,
da Herrgott hots a für ondare gmocht!
Wia schön is so a Woid, wonn zwischn
de Bam de Sunn durchscheint,
de Wipfe rauschn, d‘ Vögl singan,
oda goar da Kuckuck schreit!
Jo, froh und donkboar muaß ma sein,
daß ma des ois därf erlebn,
drum hoit ma de Natur so rein,
daß ma s‘ mit guadn Gwissn unsra Nochwöit
übagebn!
Aktuelle Nachrichten aus Salzburg auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.