Weihnachtsgedicht
"Wer kimb åft hiatz nocha?" - von Helmuth Guggenberger
- Christkind, Weihnachtsmann, Santa Claus... sie alle und auch der Nikolaus kommen im Gedicht von Helmuth Guggenberger vor.
- Foto: Sandra Brunsch
- hochgeladen von Christa Nothdurfter
Wer kimb åft hiatz nocha?
Christkindl, Weihnachtsmann oder Santa Claus -
wos is dro, wer kennt si nu aus?
Da heilige Nikolaus woa a recht a guada Mo,
und hod ois römischer Bischof fi de oarma Leit gonz vü do!
Am 6. Dezember, s'Joar im vierten Jahrhundert is nit gwiß,
er in der heutigen Türkei von uns gegangen is.
Ihm zu Ehren, dös ku ma si woi denk'n,
Is da Brauch entstondn, si gegenseitig zu beschenk'n.
"Grundsätzlich", hot da Luther gsogg, "is dös guad -
owa mit da Heiligenverehrung hu i nit vü am Huat.
Außerdem is Weihnachten nicht mehr fern,
mia feiern die Geburt von unserem Herrn!"
In dem kloan Kind tuat ma'n scho dakenna,
so werd ma eam hoid "Christkindl" nenna!
De Hollända mit einra eigenen Logik, dös is zan vasteh,
homb gsogg: "Den Nikolaus loßn mia nit geh!"
De Auswondara woitn eam unbedingt mitnemma,
und a so is da heilige Nikolaus a noch Amerika umekemma.
Im Laufe der Zeit wurde dann
daraus der vielfach bekannte Weihnachtsmann.
Advent heißt Ankunft, dös is kloa,
heit genauso wia vo zwoatausend Joar.
Und so woart ma auf die Ankunft...von Geschenken;
von wem ku sia niada söm ausdenk'n.
Hoff ma, dass de drei liabn Gestoitn
uns bleim nu long erhoitn.
Christkindl, Weihnachtsmann und Santa Claus,
Ihr seid willkommen - jedes Jahr bei uns zu Haus!
Helmuth Guggenberger, Mittersill
Dezember 2018
Aktuelle Nachrichten aus Salzburg auf 
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.