FREINDSCHOFT
A Freindschoft, de is Goides wert,
ma muaß sie nur guat pflegn,
für an Freind in Not loßt ma ois stehn,
wonns a im Augnblick nit glegn.
Is´s, daß a netta nit guat drauf is,
weil eahm grod plogn Kumma und Sorgn,
geht a glei zu eahm und schiabs nit eascht
auf spada oda goar auf morgn!
Ba Kronkheit oda Todesfoi,
wonn oan trifft a schweres Leid,
wia guat is´s do, ma hot an Freind,
der oan oiweil treu begleit´!
Vü bessa is´s hoit, wonn ma schöne Stundn
mit Freunde teiln ko,
scho des Wissn, daß im Notfoi wer do is,
mocht oan hoffnungsvoi und froh!
1 Kommentar
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.