Mundartpoesie
Mundartgedicht aus der Region: Die tausendjährige Eiche in Wang
Mundartgedicht aus der Region von Gottfried Preuler
Tausendjährige Eiche in Wang
Am Berg, do oberhoib va Waung
do steht scho tausend Joahr laung,
a Eichn trotzt in Sturm und Wind,
und gspiart's a, wia de Zeit varinnt.
Ma kau si des goar net vuastöhn
wos dea Bam ois kunt dazöhn,
waunn im Hiabst de Blattln rauschn
do mecht ma ollawäu nur lauschn.
Und kunnt ma in seine Seele sehn
ma tat vermutlich mehr vastehn,
wia de Natur de Wöd so siacht,
vernichtend woi, wia i so fiacht.
Der Bam hot glittn, in de Zeitn
ma siacht's eahm au, a va da Weitn,
de Umwöd is für eam a Qual
da Staum is morsch, de Astln kahl.
Sie stemmt si nu mit olla Kroft
in Bodn und saugt Lebenssoft,
So laung a nu de Bladdln sprießn,
soit ma des unbedingt genießn.
2 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.