A Mundart-Gedicht ois Gegenpol zu den täglichen "Hiobsbotschaften" und "Horrormeldungen"
A Gedicht hoid/7
Da Laundeshauptmau
Eure Eminenz, da Erwin hod unleingst glegt seine Amtln zruck -
schau ma amoi, obs jetzt ruhiga wiad, mitn Privatstiftungs-Spuk,
er wor laung in da Politik und fost 25 Joar Laundesvota va Niedaöstarreich -
er hots guat gmocht, maunche vamutn in sein Kölla owa de oa oda aundare Leich,
am 24. Dezember, wauns Christkindl kimmt, is a geborn -
zerscht ban Bauernbund und 1992 is a da Chef im Laund Niedaöstarreich worn,
dazwischn hod a nu a poar aundare Postln in da Laundesregierung ghobt -
er wor a "Feudalherrscher", a "Monarch" und a "Patriarch" haum maunche gsogt,
jetzt hod a sein Rücktritt bekauntgem und des muaß de ÖVP amoi vadaun -
wei vü Leit haum eam söwa ba de Woin öwei gscheinkt des Vatraun,
er hod a gsogt de Stiftungsgschicht is ned da Grund fian Rücktritt gwesn -
owa in da oan oda aundan Zeitung hod ma a wos aundas glesn,
wurscht, a geordnete Übergob wors und des Lebn geht jo weita -
er hod jo eh schau sein Nochfoiga bekauntgem - de Hannal-Mikl-Leitner,
ba an großn Interview do hod da Erwin gsogt er is mit eam söwa im Reinen -
oiso Leitln, schau ma wos de Hannal zaumbringt, hoffantli is des ned zum Weinen!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.