A Rätseltour...
- hochgeladen von Erika Bauer
.....Sodale , die schworze Luft is aum vaschwiend´n, ins Auto gstieng und die Fohrt noch Hoam aungetreten.
Eingstieng bin i in St.Pölten bei minus 19 Grad - do hob i ma schon gedocht i fohr glei hoam. Der Schlof is a schon hinta mir gstaundn... Auwa wia i noch Annaberg kumma bin is imma wärmer worn. Do hot´s schon a bissal gjuckt. Die Tourenski , Launglaufski und die Schneeschuach, samt Steckan und Schuach und Gwaund - des fohrt imma im Winter mit dem Auto mit. Jo do hob i ma schon denkt... a klane Runde kunnt i ziang mit meinen Tourenski. Des Weda wor jo a echt verführerisch, weil die Sunn a im aufgehn wor. Also wors schon a beschlossene Sach. Auffi mit den Tourenski - auf den .....................berg. Mehr schreib i do jetzt net, weil´s jo a Rätseltour is. An Tipp hob i do - Wor vor kurzen erst oben..... nur heut - eben im Schnee. A launge Tour is eh net gwes´n.. wär a schneller wieder herunt gwes´n... nur i hob a Zeit braucht , dass i mi - wegen an Sturz - aus dem echt tiaf´n Schneeloch aussa-gearbeitet hob.
Und in da Zwischenzeit hots in´s schnein aungfaunga. Also ene ins Auto und hoam.... a wengal gschlofa und natürlich wieda gstrickt... Tua eh daun wieda weida
Schönen Abend wünsch i nu
Aktuelle Nachrichten aus Niederösterreich auf
31 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.