„A Gaude soi oiwei lusteg sei – hoho...“
Voitl & Bartl: „Olympia ban Foscheng in Mauterndorf – dabei sein is ois. Und wer nid ko, is bled dro‘!“
BB: Herr Thomataler Pfarrer, als Erstes möchte ich bitte Ihren Segen?
VOITL: „I woaß nid genau, ob du mein sehg‘n wüst, oba mein Segen host. Du konst‘n oba a auf Russisch hobn, wei i kimm grod va Soooootschiiiiii!“
BB: G‘sundheit!
VOITL: „Gelt‘s Gott! Oba normal hoaßt‘s jo hilf dir selbst, dann hilft dir Gott.“
BB: Und wer hilft dem Bartl? Der schaut so arm dieses Jahr. Ist dir etwas über die Leber gelaufen, Bartl?
BARTL: „Na, da Doktor hot g‘sogt i hob a Organverschiebung – de Leber is im Orsch. Seitdem, dass mir da Voitl en Wodka mitgnomm hot aus Sotschi.“
VOITL: „De war jo a Ondenkn gwes‘n und nid auf oan Sitz zan ausglugatsn.“
BB Hochwürden: Haben‘s den Putin auch getroffen?
VOITL: „Mitanonda sen mir Skihupfn g‘wesen – i moa er hupft jo hiatz noch oiwei vor lauta Freid, dass er de Spiele kriagt hot und nid da Schitta Peda auf‘n Speiereck.“
BARTL: „Oba da seg hupft eah ohne Spiele a, wurscht ob mit oda ohne seine Lippizzana. Nastrovie – Peda!“
BB: Du Bartl, ich habe den St. Michaeler Bürgermeister gesehen – gut bei einander ist er – unser Manfred – oder?
BARTL: „Jo sei‘ Wampei wochst. Wa jo koa Wunder, wonn er vor Weihnochten imma so vü Bratwürstl essen muass, ba so vü Verpflichtungen wos a hot.“
VOITL: „Zum Glück hot eam da Tamswega Burgamoasta sein Drohtlesl glichn, damit a de übaschüssigen Kilos wida oba trainiern konn.“
BARTL: „Des tuat ach a nid, es Radl nochamoi weita valeichn, en Schurdl hots jo a glei de Rössler glichn.“
VOITL: „Jo, und wonn da Brand nid Na g‘sogt hätt, donn hätt a hiatz nid oans, sondern 3-Radla. Eigentlech unverständlich das Mogreathn koane Windradla her tuat, wo jo da Wind eah va Unternberg kimb.
Bartl, ehe ich‘s vergesse...
BARTL: Hoit, hiatz hon i Ehe kecht. Voitl, wos hoitst du va da Ehe?
VOITL: Ehe is a heiliges Sakrament, oba a Skilehrer in Sotschi hot g‘sog‘, liaba a lockere Schnoin ois a feste Bindeng.
So oba hiat‘za muas i weita trainier‘n gea, dass i vielleicht wos dareiß in Sotschi. Jenfois mein Seg‘n hob‘s olle meine Roßalla.
Sem Pfiat enk olle mitananonda bis zan Foscheng in Motndof. Und oans noch: a Gaude soit oiwei lusteg sei‘, hohoho...!“
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.