Loisum...
I woas net warum i imma wieda auf Männer hör. Hah ? Auf jedem Fall hör i nimma auf eana.
De Gschicht hot so aungfaunga.
Kumm i zum Loisium - weil i ma des afoch aunschaun wollt. Gib die Nö-Card ob damit i enekumm. Des hot funktioniert. Danoch wors zum warten damit ma do enekummt. Aber vorher hot der NETTE HERR nu a wengal erzählt. Unter anderem dass , wenn ma do jetzt enegeht sich links halten soll, denn sonnst könnt ma Noß wern.
Nau jo guat - i geh ene.... Allan... wor ma wirklich Recht.... und mia san die Aung aufgaunga. Wirklich fantastisch.... vor lauter Maul aufholtn und schaun , und natürlich fotografiern - hob i wirklich nimma aun die Worte vorher gedacht. Wors jetzt soll i links stehn oda net. Egal. ..... hinter mir hob i schon andere Leut gehört , nur waren die noch in der Schleuse.
des Wasserspiel wor wirklich faszinierend.... nur die Bilder san net viel wos geworden. Do is die Luffeuchte afoch zu hoch. Auf jedem Fall, wia die Musi aughört hot und die Wasserstrahlen kloana worn san.... wor i auf amol noß . Von oben bis unten. Nau servas hob i ma denkt, des zohlt sich aus. Neigierig wor i wos mit den andern Leut passiert , so hob i im nächsten Gang a bissal gwort. Und ! ..... Na pumsti.... die san aussa - und a total noß. Lach. Die haum gwischt und gwischt. Woa ma a glei leichta. Lächel.
Danach bin i den Pfeilen wieder gefolgt und hob ma Station für Station aungschaut. Und i sog eichs.... es is wert sich des zu leisten.
Wunderschön. Und so viel Wissenswerte erfährt ma do .
Des Weda hot natürlich auch gepaßt.
A perfektes Ausflugsziel mit oan perfektem Wetter.
19 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.