Afoch Himmlisch...
- hochgeladen von Erika Bauer
Der Titel sogt schon Olles.... Hot´s aum Himmel - des liegt in Lehenrotte auf über 800 Meter - a Festl gem. Und genau des hob i ma aungschaut , und dabei echt de tollste Zeit verbracht. Selber bin i von Schrambach aus gestartet.
Auffigmattert bei echt schwülen Weda hob i mi üban Ratzenecksteig... Do geht´s echt 2,5 Km... nur steil auffi... Gschwitzt wia a Sau und mit echt laungsaumen Schriatt is imma weida auffi gaunga. Bevor i zur Hitt´n auf´n Himmi kumma bin... wor a Gipfelkreuzfoto aungsogt. Dabei hob i schon owe schaun können zur Hitt´n...und wos i do gsehn hob , wor echt Begeisterungsfähig. Woan echt viele Leut do auf dem Festl.
Unten aunkumma hob i glei mol den Ersten Tisch angesteuert und echt liabe Leut kenna glernt. Den Karl und sei Zilli... die kumman eh aus Lilienfeld und diehaum am gleichen Tog Geburtstag der natürlich a do om gefeiert worn is.... und gor net laung danoch san a glei zwoa Abte dazua kumma... A Gaudi durch und durch.... und mit da Zeit sans a draufkumma wer i bin... grins... die Frau die Bilda mocht und de in da Zeitung zum lesen is... sogor die Abte lesen des Bezirksblattl...und kenna mi.
Oans muaß i a nu loswern... Hob i mi echt a bissal davon schleicha müssen, weils koa brenzlich worn wär, wär i nu länger hucka bliem.
Aber oa guats hot´s... weil gor a bissal kühl worden is, hob i da Zilli mei Jackn glicha - und die hol i ma bold mal, und do trinka ma guaten Kaffee bei eana dahom... aber net ohne ana Sachertort´n, die i mitbring.
Ps.... an kloan Nochsotz.... Es wor echt himmlisch beim Himmifest auf´n Himmi.....
Aktuelle Nachrichten aus Niederösterreich auf
15 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.