Eisbärensehnsucht
"Der König der Arktis und sein schmelzendes Königreich"
"Klimawandel bedroht Lebensgrundlage der Eisbären"
Es durchströmen mi Gedaunkn,
speziell aun haßn Togn,
worme Luft straft meine Flaunkn,
schwer hob i aun dem zu trogn.
Voi von Wehmut und von Trauer,
muass i do mei Lebn fristn,
tram sehr oft von koite Schauer
und von hort vereiste Pistn.
Wia i mi noch Stürme sehne,
noch der klirrend, weißn Procht,
leise rinnt so maunche Träne,
do, in flauer, schwüler Nocht.
Hob a Sehnsucht noch Spitzbergn
und noch Minustemperatur,
de aus Eis getürmtn Berge,
und de Hundeschlittnspur.
Unvurstöbor san de Leidn,
de Gedaunkn vom Polar,
von de tiaf verschneitn Weidn,
ach, mei Herz is mia so schwa.
Wo Naturgewoitn groin,
zwischn Frost und Eskimo,
über meterdicke Schoin,
danoch sehn i mi a so.
Meine Freind san olle gsturbn,
zuvü Wosser, Hitz und Sunn,
und wos is aus mir jetzt wurn?
"Sitz im Tiergortn Schönbrunn".
Von meinen Freund © Helmut Pitsch
DANKE Helmut!
Du möchtest selbst beitragen?
Melde dich jetzt kostenlos an, um selbst mit eigenen Inhalten beizutragen.
32 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.