A Mundart-Gedicht ois Gegenpol zu den täglichen "Hiobsbotschaften" und "Horrormeldungen"
A Gedicht hoid/6
Jo, jo, Weihnochtn und Süvösta is a schau wieda vabei -
a heirigs Joahr gibts wieda Gedichtln, des sog i eich glei,
a gaunz a kurza Rückblick wia 2016 so eigentli woar -
des kau i a, ned nur de Zeitungen, des is kloar -
a neichs Stootsobahaupt haumma a, des woar a schware Geburt -
ma hot schau glaubt, des mit dem wön geht imma so furt,
sunst hot si imma wos dau, vü hot si um de Flüchtling draht -
i muaß eing gaunz ehrli sogn, des woar maunchmoi a schau fad,
gscheita warads mia kamadn oile mitanaund so hoiwegs guad aus -
maunche san schau gaunz zerfressn va lauta Hoss, des is a Graus -
und de Politika, jo wos haum de des gaunze Joahr oiwei so gmocht -
des übliche, oiso nur vü gstrittn und ned wirkli wos Gscheits weidabrocht,
i glaub und fiacht des wiad se 2017 a ned vü andern und aundas wean -
eigentli schod und gor ned zan locha, eha zan rean,
owa imma nur jammern bringt jo a nix, des is kloar -
so schlecht gehts uns wieda a ned und vielleicht wirda a gaunz guats neichs Joahr!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.