A Gedicht hoid
Da Februar
De GR-Woin san vabei und da Oitog kehrt wieda ei -
de "Stärkstn" regiern wieda, gwöt va de Leit, so soi des sei,
da Februar hod 2020 29 Tog, Schoitjohr sogt ma a dazua -
oan Tog leinga daut des Maunat, daun is wieda 4 Johr a Rua,
am 20.2.2020 wa zan heiratn a scheina Tog -
ob des daun mitanaund leinga hoit, is wieda a aundari Frog,
Schnee hau ma a nu ned vü ghobt, des wiad weiniga va Johr zu Johr -
i kau mi nu erinnan wia des friacha amoi wor,
köda wors und bis za oan Meta Schnee hods oft owaghaut -
am Dorfbergal sama Schlittn gfohrn, jo des hau ma si traut,
jo, de Zeitn haum si gändat, vü is bessa owa vü is a schlechta worn -
owa a gaunz vü Sochan worn schau friacha und a heid a Schmorrn,
d'Gsundheit is am Wichtigstn, wei ma si de a ned mit Göd kafa kau -
irgendwaun kimmt da "Sensnmau" und a jeda kimmt drau,
owa jetzt is nu Fosching, do soi ma lustig sei und vü locha a -
des foid den oan oda aundan oft eh gaunz schei schwa.
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.