A Gedicht hoid
Da September
- hochgeladen von franz döller
D'Schui hod wieda augfaungt, da Urlaub und de Ferien san goar-
da Oitog hod und wieda, waunns a nu so schei woar,
mit'n September geht jetzt s'letzti Drittl im Joar schau los-
af jo und na is de Freid afs Christkindl a schau wieda groß,
a bissl is nu Zeit, Spätsumma sogt ma jetzt gern dazua-
Paradeisa, Paprika und Co messn nu weg, daunn is a Rua,
Weinlesn tuat ma a schau, mir haum a a poar am Balkaun-
Erntehöfa brauch ma koa, des moch ma söwa, irgendwaun,
i söwa mog jo Weitraubn und de schmeckan ma a-
owa mit de Rosinen in de Golatschn, do dua a ma schwa,
im September is draussn oft schau gaunz schei frisch-
do braucht ma schau ob und zua a Westn, des is gwiss,
des is owa eh guad, ma sogt daun gern es herbslt schau-
und es is a guad, das ma si s'Weda nu ned söwa mocha kau,
wei, is im September zworm, zoagt des an strengn Winta aun-
an strenga Winta wö ma owa ned, des glaub i kaum.
Aktuelle Nachrichten aus Niederösterreich auf
2 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.