A Gedicht hoid/40
Da K. Kurt, Hoizwurm oda so....
- hochgeladen von franz döller
A Gedicht hob i schau gschriem iwan Kurt, im Miaz, heirigs Joar -
jetzt hauma Noveimba und s'Joar 2020 is a boid wieda goar,
Tussi on Tour hod a gmocht, Schi, Feinsta und Tirn hoda eibaut a -
mit sein Papa zaum woar owa des ois ned gaunz so schwa,
iwa Tussi on Tour woas i nur das ois in rosa woar, mehr kau i ned song -
owa wers genau wissn wü, der kau jo in Kurti söwa frong,
de "Zugspitz-Schi" woarn schau a Jedn a Begriff und gaunz promineint -
dozumois woar des schau wos und fost a Jeda hod de keint,
s' Gschäft hoaßt jo a "Crazy-gifts", varruckti Sochan kau ma a song dazua -
er bastlt und tischlat vü söwa, breina tuat a a afs Hoiz und gibt koa Rua,
des Servis fia de Feinsta und Tirn muaß a a nu nembei mocha -
und des is woarscheinli neman Gschäft sicha ned öwei zan locha,
a Pech hod a a ghobt in letzta Zeit, eibrocha is ba eam woarn -
jo, es gibt schau gaunz schei vü Gfrasta, des is koa Schmorrn,
mit ana Maskn woar des wer, des warad jo eh jetzt Pflicht -
owa eigentli geng des Virus und ned das ma damit eibricht!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.