A Mundart- Gedicht ois Gegenpol zu den täglichen "Hiobsbotschaften" und"Horrormeldungen"
A Gedicht hoid
Ma soid se schau fia Politik a intaressiern -
owa des kau an maunchmoi gaunz schei vawirrn,
genau woas ma jo nie wos woin de "Gfrasta" -
gehts wirkli a ums Voik oda nur um eanan eigenen "Zasta",
de Mocht, de Gier, da Wauhnsinn des san hoid so Sochn -
ma soirad des ned zu ernst nemma und vü mehr drüwa lochn,
de "Kaspaln" doan eh öwei nur des wos se woin -
driwa aufregn - do mocht ma si söwa kan Gfoin,
des Lebn is so kurz und so schei und soid ma geniessn -
und es is vü scheina ma is ehrli und hod a reins Gwissn,
a Bluman de wos bliat, des Gros, des Hei af da Wiesn -
de Vogaln wos zwitschan am Bam - a des soid ma geniessn,
a herzhoftes Lochn a poarmoi am Tog - des mocht vü mehr Spass -
und is jo gor koa Vagleich - mit dem nervign politischen Kas.
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.