A Mundart- Gedicht ois Gegenpol zu den täglichen "Hiobsbotschaften" und"Horrormeldungen"
- hochgeladen von franz döller
A Gedicht hoid/1
Ba mein erstn Gedicht hob i gsogt - ma soid se schau fia Politik a intaressiern -
mittlawei san owa schau Vü ziemli kraunk im Hirn,
va lauta Hoss san maunche Leit schau derort vabissn -
do gehts hoid leida nimma ums Wirkliche und ums Wissn,
do wiad drauf lospost und a kommentiert -
i glaub das des wirkli den oan oda aundan gor nimma intaressiert,
af da Wöd schewatts rundumadumm und Vüle dan hetzn -
söwa sans owa eh meist bleda wia zehn Binkl Fetzn,
fia maunche was gscheida a bissl mehr deinga und owa van Gas -
bevors wos sogn und schreim - wei des is eh meist a Schas,
a Politika und a Politikarin - de haums a ned öwei so leicht -
owa nur kritisiern und aufbudln - is hoid a a weing seicht,
jeda der si öwei aufregt üwa ois und tuat nur kritisiern -
jo der kaus jo söwa probiern - daun siacht ma glei wos drin is im Hirn!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.