Simmeringer Weihnachten

Ó Copyright: Friedrich Wittman 3202 Hofstetten-Grünau Zinnergasse 3 Tel.0664 400 74 92
E-mail: wittmann.friedrich@aon.at

Simmaringa Weihnochtn
Oiso I hob g´hert, das des Christkindl in den Weiten von da Simmaringa Had geburn wurn is. De drei Kenig worn oba Aundare.Wer des wor dazöh I jetzta.
Ah einsauma Cowboy sei Nauman is Lasso – Joe, reitet durch die Simmaringa Had. Auf da Suche, oba wos suacht Er? Eam is im Tram ah Cowgirl – Engal erschienan und hot Eam eigredt, das irgendwo in den weiten der Prärie der Simmaringa Had ah Kenig geburn wird. Er braucht nur dem großen Stern foign, der aum Himme erscheint, daunn findt da hi. Oisa mit an Countrysong von de Lasso – singers auf de Lippn, weida reitet, de Huaf mochn, klapp da di klapp klappa di lklapp, siacht da mitn in da Prärie beim anzigen Bam weit und breit ah Logafeia, aun dem sitzt im Schneidasitz ah Heiptling der Comantschn. Der Heiptling hot an Fedaschmuck aufn Kopf mit rote, schworze, Blaue und greane Fedan, damit Olle unnetign Götter net beleidigt san. Aum bam is ah riesengroßer Büffel aubundn. Dem Heiptling sein Name is Hatschata – Puma.Der Heiptling hot den Cowboy mit ana Haundbewegung eiglodn, si zu eam auns Logafeia zu setztn und mit eam de Friedenspfeifn z´rauchn, de Pfeifn wor gstopft mit an Agyptischn Feinschnitt, sehr aromatisch. Ois ah jeda auzogn hot aun da Friednspfeifn, hot da Heiptling g´sogt „Manitou sei mit Dir, sog, hot Dir ah so ah komischa Engl, ah fesche Squaw im Tram g´sogt das´d dem Stern nochehatschn soist, des Kindal suachn, des wos ah Kenig wird? Waunn des da Foi is suach ma mitanaunda, bist ah klassa Bursch weissa Mau. Morgn ziagn ma los.“ So san de zwa, da Cowboy aum Pferd, da Heiptling aufn Büffe, zeitlich in da Fruah loszogn, imma dem Stern noch. Ois üba an Hügl gritt´n san, (Jo domois hots no an Hügl gebn in da Simmaringa Had) haums von da Weidn an reisenden Schernschleifa, namens Schleifsta, dablickt, der vazweifelt auf an Sta g´sessn is, nebn Eam ah Esl mitn gaunzn Werkzeig aum Bugl. Ois hi kumma san, zum Esl und sein Herrl, sogt da Cowboy „Hello Oida, wos host denn?“ Und da Heiptling hot g´sogt „Beim Manitou, host an Geist g´segn?“ Do hot da Schernschleifa si z´aumgrissn und hot g´sogt „Da Esl hatscht und I was net warum. Daweu is ma im Tram so ah fescha blonda Engl erschienen, der wos g´sogt hot, I soi dem großn Stern aum Himme nocherenna, daunn wer I des Kindl finden, des wos amoi ah Kenig wern soi.“ Do sogt da Heiptling:
„Des moch ma glei, Du Cowboy hoitst den schlechtn Huaf und I schau noch, wos des Viech hot“ Gsogt und tau „Ah, ah murdstrum Schiefa steckt in da Haxn, den ziag I ausse und gib Eam ah feiawossa drauf, das da Huaf net entzundn wird, daunn kaunn da Esl wieda renna wia ah flinka Hirsch“ Nochdem da Heiptling den Schiefa aussezogn hot, mocht Heiptling Hatschata Puma ah Feia, da Schernschleifa Schleifsta zalegt mit an schoafn Messa an Hirsch, den da Cowboy Lasso-Joe mitn Lasso g´faunga hot. Und gemeinsaum brotns des Fleisch aum Feia. „Oiso“ Sogt da Lasso-Joe „Gemma hoit miahnaunda weida, oba wos bring ma mit, weu I glaub mia soitn dem Kindl-Kenig wos Schenkn, damit man et umasunnst durch de Gegend tammln, I wer Eam mei söba drahtes Lasso schenkn, damit kaunna Ollas eifaunga wos Er nua wü“ Da Schleifsta sogt „I wer Eam ah ordentlich schoafs Messa schenkn, damit Er si ah Jausn schnitzn
Kau“ Hatschata Puma sogt„Oiso I wer eam olle Fedan aus mein Kopfschmuck gebn, damit kaunn Er si an Poista ausstopfn und wach drauf liegn“ Daunn legt da Heiptling no ah Schäufal noch und si aum Logafeia nieda, da Cowboy deckt si zua mit ana Deckn, da Heiptling mit an Bärenfell, da Schernschleifa is g´wehnt, der deckt si zua mitn Himme. In da Nocht haums olle drei wieda von de Engaln tramt. In da Fruah haums zaumpockt und si aufn Weg g´mocht. Den gaunzn Tog reitns so weida, da Cowboy aufn Pferd, da Heiptling aufn Büffe, da Schernschleifa aufn Esl.. Auf amoi, es wird scho finsta auf da Simmaringa Had,
sehngs das da Stern obezagt auf ah Hittl. Ois hikumma sehngs im Hittl an Ochs, ah Schof und aufn Stroh ah Tiachl, auf dem ah Kindl glegn is. Danebn de Mutta von dem Kindl, weus gor so liab auf des klane Putzal obegschaut hot, hinta dem Stroh Pinkl is ah Mau g´staundn, auf an Hirtenstob g´stüzt, wohrscheinlich da Vota. Oba Ans hot de drei besondars beeindruckt, des Kindal hot oisa gaunza g´stroiht, wia waunns von innen gleicht hätt. Und Redn hot hots ah scho kenna
des Kindl und hot g´sogt „Sads willkommen in mein Reich“ Gaunz vadattert haum de drei g´schaut. Oba daunn haums nochanaunda Eanare Gaben higlegt, da Cowboy sei Lasso, da Heiptling seine fedan, da Schernschleifa sei Messa. Draufhin hotsi des Kindl bedaunkt und no g´sogt
„Geht’s in olle Richtungen der Wöd und tats ollen sogn das I denan Menschn den Friedn bringa tua“ Auf des auffe san de drei, da Cowboy genannt Lasso-Joe, da Heiptling genannt hatschata-Puma und da schernschleifa genannt Schleifsta,
ausse in die Wöd und haum de Botschoft weidatrogn. Jo des worn de erstn Weihnochtn. Und wia olle Johr wird de Botschoft vom Friedn weida g´sogt.
Is wurscht ob des Indiana san, schworze Murrln oda Bleichgesichta. Olle san gleich und wern aun dem Tog friedlich und g´frein si aufs nächste Johr.