Mundartpoesie
Sommerliches Mundartgedicht aus Randegg
Summahitz'n
In da Summahitz'n
tua i mi deppat schwitz'n
in da Hock'n gaunz'n Tog
obwoi i scho de Sunn a mog.
Nua so hoaß miassat's net sei
do trickat's oan jo oillas ei,
im Schott'n ochtadreißig Grad
koa Wunda waun ma durchdraht.
A am Obend wird's net g'scheida
do schwitz i im Freibod weida,
s'Wossa bachalwoarm im Beck'n
a da Spritza tuat net schmeck'n.
Wäu da Wirt zu dünn den mocht
am schlimman is des in da Nocht,
wäu oan do de Gös'n plog'n
hoiwe Nocht tuast as daschlog'n.
Glücklich bin i erst wia g'sogt
waun da Schlof mi endlich pockt,
do tram i daun va Griech'nlaund
vom Meer a Mythos in da Haund.
Launge daut der Tram hoit net
wäu daun da Wecka wieda geht,
daun steh i auf und woas genau
heit schwitz i wieda wia a Sau!
Mundartgedicht von unserem
Hauspoeten Gottfried Preuler
Weitere Mundartgedichte auf
meinbezirk.at/mundartpoesie
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.