Handarbeit

Mehr kaun i do gor net schreim.... weil des san ma echt leicht von der Haund gaunga.

Imma a wengal gstrickt... a paar Minuten find ma imma dazua... entweda man huckt bei an Dokta und muaß wort´n... oda ma fohrt mit an Zug... oda a in da Pause.... Es muaß jo net glei fertig sein.. aber irgendwann is daun so weit... des Ergebnis lost sich jo sehn ?

A poor Stund´n worn´s , die i braucht hob. Zeit find ma imma - um die Nod´ln zum glühen zu bringa. Einiges is schon fertig und des Aundare braucht a nimma laung. . Und weida geht´s....

A Olte angefangene Strickerei hob i nun fertig gemacht... Wos Altes für Junge - so zu sagen. Jetzt kaun ich´s a wieda wegpacken......

Des is a Mittl... A wengal mehr Dienst , des Weda die letzten Tog net so schön.... Also hob i wieda a wengal des Strickzeug mehr in der Hand gehabt. Eh imma so zwischendurch. Entstanden is a Stola-schal-jacke. Aun den Grundriß siacht ma wia afoch ma des stricka kann. Des zusammen nähen mocht´s daun aus. Echt net Alltägliches... aber soooooo guat zum trong.

...könnt ma wieda mol schreim. Is eh net zum glaum, wenn man vorm Fernseher oda im Zug a wengal strickt. Wos do so weida geht. Imma wos worm zum drüba-ziang. Diesmal is a Haubal und a Schaltücherl worn. Do a poor Bilda.

Gut ausgeschlafen - und a wengal umadum werklt und koa Wanderung.... so wor der Erste Tog vom neuen Jahr. Aber dafür hob i Fäden vernäht - von ana Handarbeit die i vor a paar Tagen fertig gsrickt hob. Wieda a Trum mehr in meina Sammlung.

...des is schnö fertig gwesn... A paar Tag - und fertig wors. Eh guat so , weils jetzt kalt wird. Und zum Autofahren gerade des ideale zum Schulter worm-holten. Aber a zum spazieren gehen geht des Socha a... Wia ma des nennen kann? Puh... woas i momentan gor net.

Des anzige wos i bei dem Modell net hob - san die Rohteile. Weil so viele Sachen hob i angfangen gehabt und vagessn diese zu Fotografieren. Jetzt moch i olles da Reih noch - fertig. Diesmal is a Westn - mit an Tulpenmusta.

Gor net vü Knäuel braucht man für des Kladl... weil so a Socknwolle rennt echt guat auf de Nodl´n. Nur a wengal Geduld braucht ma dazua. aber jetzt wo des Weda nimma so schön is und auch zu Hause die Gemütlichkeit einkehrt... Genau das richtige zum Handarbeiten.

Jo jo... Der Fasching hat heut begonnen. Selber hab i koan Korl owagriss`n... sondern mal an Rasttag gemacht. Relaxen - nennt man des. Könnt euch sicher erinnern - am 4.11. hab i da so ein Braunes Ding reingestellt. Und heute is fertig geworden. Einen Poncho... fürs Autofahren- net so stark und dick - aber die Schultern hälts warm. Doch a wengal was gemacht an diesem heutigen Tag.

Die Tage werden kürzer und auch kühler.... da wird die Gemütlichkeit zu hause immer wichtiger, und das ist dann die richtige Zeit um Creativ zu werden.... Deshalb hab ich heut mal etwas fertig gemacht das schon so lange darauf gewartet hat.