Obschied van Summa
- hochgeladen von Rita Schernthaner
De bunte Forbmbrocht zoagt ins,
dass da Herist einzogn is ins Toi,
des Laab foit owa von de Bam überoi.
Die Kinna gfrein sie, wonns die Drochn steign lossn,
mit Blattl und Köstn dean sie sich mit´n Bastln befossn.
Sche aufgranzt san die Vicha owa von da Oim.
Beim Bauernmarkt war a wieda a Lebm,
guate Bladln und Kropfn, Hondwerk und Musi hots gem.
Die letzt´n Gäst gebm ins zan Obschied die Hond,
donn wird´s wieda stilla im Lond.
Da Mensch und die Natur braucht wieda dringend a ´Ruah.
Des Schoffn und Rostn muaß da Mensch vasteh,
wei siest tuat eahm die Freid auf oamoi vageh.
A bissl mit Wehmuat im Heaschzn loss ma die worme Zeit ziachn,
wenn donn da Schneewind von da Hech owawaht, "nah geh",
donn sogn ma a´an Herist "Ade".
Aktuelle Nachrichten aus Salzburg auf
4 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.