Suppm essn ud Tee trinkn ...
... samma heut gangen, die Erika und i! Nur: WOHIN???
Wenn ma sowas mit der Erika vorhat, dann kanns leicht passiern, dass ma die Suppm hoch obm auf ana Alm zu sich nimmt.
Und so wars dann auch! Glei nachm Nachtdienst von der Erika hamma uns in Mitterbach bei den Liften heruntn getroffm. Ein Auto dort lassn und mitm anderen Auto aufm Zellerrain (auf 1121m) raufgfahrn. Ohgstöllt und glei samma durchn tiefm Schnee mit unsere Schneeschuach direkt an der steirisch-niederösterreichischn Grenz zum Höchbauern (der liegt schon auf ca. 1250m) raufmarschiert und von dort über die Brachalm auf die Mitterbacher Gemeindealpe, wo ma - nachm Besuch vom Gipflkreuz (auf 1626m) inklusive Fototermin - im Terzerhaus unser wohlverdiente Rast (mit der Suppm und dem Tee) einglegt habm.
Schnee gibts gnua und zum Stapfm habm wir anständig was ghabt. Vor allem a klaane Gratwanderung war dabei, da warn ganz schöne Schneeverwehungen zu überwindn! Gschafft hammas, die Sonn hat sich auch a paarmal gezeigt, nur wirklich aufgeklart hat der Himml erst am Abmd beim Zruckfahrn!
P.S.: Eigentlich hätt mei Titel heut anders gheißn, nämlich: "wenn die Erika nachm Nachtdienst auf a Bierli geht..." (leider hat sie in der Terzerhüttn obm kaans trunkn, drum hab i umdisponiern müssn...)
17 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.