Göll, wir woarn aufm Göller!
Wieder einmal san die Erika und ins schöne Niederösterreich gfahrn. Aufm Göller wollt ma rauf. Ein Auto hamma in Kernhof abgstellt und das andere in Gscheid, von wo aus wir losmarschiert san. Die Sonn hat gscheint, es war herbstlich scheen, wenngleich die Erika gmeint hat, dass es sicher zuaziagn wird... sie hat des so im Gfühl. Na ja, schau ma mal! Bis obm hats Wetter guat ausghaltn, zum Gehn is der Berg ned schwierig, auffi gehts durch an Wald gleichmäßig steil bergan. Dafür wird ma dann obm mit ana herrlichn Sicht belohnt, weil ma ja auf 1760m hoch obm is! Beim Weitergehn kann ma no den Kleinen Göller sozusagn im "Vorbeigehn" machn und dann gehts wirkli lang durch an herbstlichn Laubweg owi zua. Do muass ma a wengerl aufpassn, weil ma oft ned sieht, was si unterm Laub versteckt hat.
Die Gams hat uns ah erst recht spät entdeckt, drum hab i sogar a paar Fotos von ihr schiaßn können und der Nebl hat uns untn dann doch no eingholt, owa do woars eh wurscht, weil do wars dann eh nimmer lang zum Auto.
Fazit: a empfehlenswerte ned zuu schwierige schöne Fünf-Stunden-Wanderung im herbstlich bunten Niederösterreich!
10 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.