WEI(H)NOCHTLN
Wei(h)nochtln
Boid is wieda souweit,
do is in Dunnaskiacha Wei(h)nochtl-Zeit.
Voa 16 Joahr hom sie unsri „Winza“docht,
uns geht’s guit, do gheart wos gmocht,
fia die oaman und die kraunkn Leit,
damit deinan ghuifn wiard und sie hom a a Freid.
Viea Weinbauan hom des organisiert,
dass aus dein Wei(h)nochtaln wos gscheits wiard.
Sie hom iahnari Kölla aufgmocht und heargricht sou schei,
i sog eings Leit, do miassts unbedingt dabei sei.
Dein guidn Wein vakoustn und a poar Schmankaln essn,
des deafts dein Saumstog nit vagessn.
Kunst und Kultur zan bewundan, ba brotani Erdäpfl und Maroni,
des is jo a nit ohne.
Nit dass eing damit nia söwa duits wos Guits,
ihr a nau fia "LICHT INS DUNKEL“ damit speindn duits.
Es is wurscht oub jung oda oit,
i bin sicha, dass duat an jeidn gfoit.
Wos des Weinquartett tuit in Dunnaskiacha seit 16 Joahr,
sorgt fia Gesprächstouff in gaunz Östarreich goa.
Die Besucha speindn, dass a Freid is, nia mit iahnan Keimma,
des Gfüh neman Vagnügn nau wos guits zan tua, des kaun an kuana meahr neima.
Noch Dunnaskiacha do miassts hin,
zan Wei(h)nochtln, waü des mocht Sinn.
Busse bringan di va iwaroi noch Dunnaskiacha und a wieda huam,
du host somit nix zan tuan,
ois die Zeit duat zan genießn
damit die Speindn fia „LICHT INS DUNKEL“ fließn und fließn.
chrid
6 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.