A Mundart-Gedicht ois Gegenpol zu den täglichen "Hiobsbotschaften" und "Horrormeldungen"
A Gedicht hoid/12
S'neichi Joar
S'oidi Joar is vabei und 2019 schreima jetzt schau -
schau ma hoid amoi wos des bringt und kau,
d'Feiatog san vabei und d'Bäckarei is a schau fost gaunz weg -
ban stön af d'Wog hod so mauncha kriagt an Schreck,
da Oitog hod uns wieda, da Christbam is a schau weg -
de Nodln san eh schau ogfoin und er hod erfüt sein Zweck,
vü Sochn wos s'Christkindl brocht hod san a schau wieda umtauscht worn -
des oani oda aundari wor hoid do a weing a Schmorrn,
da Winta, des koidi und grauslichi Weda geht uns a schau am Nerv -
und vü moanan das ruhig schau d'Sun und a scheinas Weda keimma derf,
de Stundn, Tog und Wochn reinan jetzt wieda dahi -
is owa eh nix Neichs, jeds Joar desöwi Gspü,
s'rauka aufhern, koan Alkahoi tringa haum si vü vorgnumma fia s'neichi Joar -
am Eind van Joar wiad ma seng, obs nur a Wunschtram woar,
owa i glaub des is fia Vü goar ned so leicht zan schoffa -
de deinkan si, eh wurscht, ban nextn Festl loss mas wieda so richti krocha.
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.