A Gedicht hoid/29
Da Aprü
- hochgeladen von franz döller
Heia im Aprü is vü aundas wias oiwei normalaweis woar -
hoffantli is de Zeit mit dem komischn Virus boid goar,
hoffantli schleichts si des boid und da Oitog kehrt wieda ei -
vielleicht sogoar bis zan Summa, des warad schau schei,
a bissl gartln kau ma owa eh jetzt a schau a weing -
wei nur dahoam in de 4 Weind, do wiads schau a weing eing,
spazierngei kau ma owa a, am Bestn mit Obstaund za de Aundan -
oft braucht ma des eh, des gaunz alloani waundan,
d'Hoffnung soi ma ned aufgem, irgendwaun wiad oillas wieda guad -
daun kau ma a wieda an Urlaub plana und a foarn furt,
waun d'Sun scheint kau ma si in Gordn oda am Balkaun setzn a -
mit a bissl Geduid und Humor, is jo eh oillas ned so schwa,
s'ratschn wiad a ausfoin za Ostan, in der schwierign Zeit -
sicha hädn si de Meindscha und Buam schau drauf gfreit,
fia de Kinda is Ostan heia a ned so schei, des is kloar -
nexts Joar loch ma schau driwa und redn wia des 2020 so woar!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.