A Gedicht hoid
S'letzti Gedichtl im 2019ana Joar!
Jeds Maunat schreib i a Gedichtl, in Mundort, hob i ma deinkt -
und i muaß eing song, es hod mi bis heid nu ned kreinkt,
im Dezemba, vorigs Joar hob i augfaungt, de Zeit reinnt dahi -
je öda ma wiad, desto schnölla, hob i so des Gfüh,
ois Meglichi hob i gschriem, iwa d'Joareszeitn und oidi Breich a -
es gibt jo gnua ba uns, oiso woars jo goar ned so schwa,
i mecht jo gern weida schreim, do muaß i owa erscht schaun -
owa de Damen van Bezirksblattl san jo eh gaunz liawe Fraun,
de druckan ma de Gschichtln vielleicht wieda in eanara Zeitung o -
do kinnans daunn aundare a lesn - do warad i froh,
iwa d'Politika, iwa de Gsöschoft und Promis sois jo a sogoar gem -
do gawats sicha vü zan dichtn, iwa erna "potschats" Lem,
iwa so Gschichtln soi ma, des is gaunz wichti, locha kinna a -
wei s'Lem is oft gaunz bschissn und oft a ziemli schwa,
ocht Zwoazeila schreib i oiwei, i woas ned ob des schau aufgfoin is -
es stimmt owa, keinnts nochschaun, des is koa Beschiss!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.