A Gedicht hoid/60
De Blockheide
Gaunz genau hoaßt's jo eigentli Naturpark-Blockheide-Eibnstoa -
und wia da Naum schau sogt, es geht wirkli a um an Hauffa Stoa,
es is a Naturschutzgebiet im Woidviertl rund um Gmind -
wos do ois gibt, sog i eing glei und des gaunz gschwind,
augregt hod in Naturpark 1964 a Büdhaua, da Carl Hermann woas -
gründt is des Projekt daun worn und jetzt moch ma a kloani Roas,
de Blockheide is a Heidelaundschoft mit vü vaschiedani Bam -
Rotföhre, Birken und Eichn, san nua a poar va de Nam,
und natirli gibts vü Stoana, Restlinge und a poar Wogglstoana gibts a -
de gaunzn Naum zan mirka, des is wirkli oft gaunz schei schwa,
Teuflsbett, Teuflsbrotlaib und Koboldstoa hoaßn a poar davau -
am gscheidan is, ma schaut si des amoi söwa au,
es gibt in da Blockheide a Austöllung mit ana Dioramen-Schau -
des schaut ma si au und ma woas daun ois gaunz genau,
an Aussichtsturm gibts a, den erschtn hod ma 1964 aufgfaungt zan baun -
117 Stufn muaß ma auffikrein, owa om kauma daun gaunz weit schaun.
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.