A Gedicht hoid/36
De "guadi oidi Zeit"
- hochgeladen von franz döller
Friacha wor ois bessa sogt ma gern, do gher i a dazua -
af a poar Sochan kau i mi erinnan, wia i wor a kloana Bua,
gaunz so is owa a ned, mia lem hoid jetzt in da digitaln Zeit -
a Telefaunzön, s'Briaf schreim usw. is hoid weg gaunz weit,
zan Dokta is ma a ned greinnt, wauns oan min Radl auf d' Pappn ghaut hod -
d'Mama hod des Auweh blosn und da Papa hod in Leinka wieda gricht grod,
vü reinnan heid min Handy um, seng nimma wos rundumadum gschiacht -
grantig und g'stresst san d'Leit, das ma si oft schau fiacht,
aundari wieda schaun oan au ois warad ma va an aundan Stern -
aus Resoekt hod ma si friacha griaßt und des sogoar gern,
gegenseiti ghoifa hod ma si a, heit draht si ois nur mehr ums bschissani Göd -
oft wau ma d'Nochrichtn herd, kau ma ned vasteih wias zuageht af dera Wöd,
mehr Ochtung va da Umwöd und da Natur mess ma schau wieda haum -
hauma koani Viachal und Blumaln mehr, daun bricht ois zaum,
untam Strich kau ma song, in jeda Zeit gibts guadi und a schlechti Sochan -
es kimmt imma drauf au, wos mia "kloan Wirschtln" draus mochan!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.