A Gedicht hoid/61
De Wossabüffel
- hochgeladen von franz döller
Wossabüffel hauma rund um Gmind in an Üwaschwemmungsgebiet -
des vabindt daun de Blockheide mit'n Wossaföd-Siedlungsgebiet,
do gibts rechts und links van Weg zwoa Wossabüfflweidn -
das gnua Plotz haum und ned dauand mitanaunda streidn,
na, de doan sogor de Weidn pfleng und des steigad de Ortnvüfoit a -
wei de Büffln meng des Wossa, sogt schau da Naum, is jo ned so schwa,
in Tourismus kurwins au und de Fleischvasorgung is gaunz regional -
ois in oin is des Wossabüffel-Projekt oafoch ziemli phänomenal,
an Preis hod de Gemeinde schau kriagt, de "Brennessl", a guadi Gschicht -
dotiert mit 20.000 Euro und des foit hoid a gaunz schei ins Gwicht,
fian Natur- und Klimaschutz trogt des Gaunzi a wos Wichtigs bei -
de Vogaln, Insektn usw. fün si woi und des is ned gaunz oanalei,
i hob ma de Büffln schau a poarmoi augschaut, es is jo ned so weit -
ma siachts ned oiwei, owa do braucht ma hoid Geduid und a bissl Zeit,
des Projekt is des oanzigi in Östarreich wo Büffln a Naturschutzgebiet beweidn -
und do wiad uns schau de oani oda aundari Gmoa drum beneidn!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.