A Gedicht hoid/73
"Fuaßboi-Trainer", "Corona-Experten" & Co........
- hochgeladen von franz döller
Jeda wü hoid öwei recht haum, des is wirkli oft schau a Graus -
im Fuaßboi, ban Corona-Virus, ba an Kriag, i söwa nimm mi do ned aus,
des is a so, des liagt hoid in da meinschlichn Natur -
nua de eigani Meinung is richtig und oft is ma daun gaunz stua,
im Fuaßboi wissn vü erscht nochher wos vorher gscheida gwesn wa -
im Nochhinein is öwei leichta, na, daun is nimma so schwa,
ba Corona is a so, nochher ois bessa wissn des is daun zspod -
is owa vü leichta, wau ma söwa koa Entscheidung zan treffa hod,
ban Kriag jetzt in da Ukraine do wissn vü gaunz genau Bescheid -
des is oft gaunz schlimm, das oan oft de Ganslhaut auffakreit,
Infos zan kriang is ned leicht, vü is hoid oafoch Betrug -
gaunz schwa zan untascheidn, is de woar oda a Lug,
ois wiad heit schau manipuliert und wos kau ma wirkli nu glaum -
is des a Fotomontasch? A Fake? Ma kau neamt mehr vatraun,
untam Strich kau ma song, das de Woarheit irgendwo in da Mittn is -
owa Jeda hod de Recht af sei eigene Meinunga a, des is gaunz gwiss!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.