Mundartpoesie
Mundartgedicht aus der Region: das Grestner Wehrschild
- Das Wehrschild wurde 1915 in Gresten aufgehängt.
- Foto: Stefan Pruckner
- hochgeladen von Roland Mayr
Des Grestna Wehrschüd
Im erst'n Wödkriag woar vü Not
Hunga, Ölend, Sterb'n, Tod
net nur in den Schütz'ngräb'n
üwaroi woar's hoart des Leb'n.
Es hot jo fost aun oillem g'föd
Vor oi'm aun Ess'n und aun Göd,
de Grestna haumt do diese Joahr
fost ois hergb'n wos do woar.
Sie haumt aun de Soidot'n denkt
und an Wehrschüd aufgehenkt,
eahne Kreiza haumts zaumtrogn
und Nägl ins Schüd einig'schlogn.
Der Nogl woar symbolisch grod
das wer wos gespendet hot,
und rechnat ma de Nägl zaum
siacht ma das vü hergeb'n haum.
So haumt de Soidotn g'spiart
das koana do vagess'n wird,
des hot ea de Aungst vatrüb'n
haumt se in de Briafe g'schrüb'n.
Mundartgedicht aus der Region
von Gottfried Preuler
Weitere Mundartgedichte gibt's in unserem Online-Channel.
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.