MUNDART

Wann die Sunnanstroihn in die Heazn lochan,  wia do die Le(i)bnsgeista neich eawochan.  Wia wiad da Me(i)nsch do woarm beriaht.  Za'm liablichn Gfüh oft hi(n) vafiaht.  Es zoag se da Himmel blau, as Gros sou gria.  Schlisslbluman und die Veigal ste(i)hn in d'Bliah.  Wia da Fruahjoahrswind tuat sou lind ge(i)hn und die Knouschpn voam aufbre(i)chan ste(i)hn.  Es wiad schöin bunt va Tog za Tog und af da Wiesn as Beinl  summan mog.  Und höart ma in da Friah wia's Vöigal sing,  eafreit's-as Gmiat,...

A E(i)ngl hot vakündet, die sölge, halge Zeit.  A hölla Sten am Himml glänzt, er trog die Houffnung weit.  Halleluja, Halleluja  A E(i)ngl hot vakündet, a Kindal wiad geboan. Zan Heiland fia die ganze Wöt wiad er fia i(h)s eachoarn.  Halleluja, Halleluja  A E(i)ngl hot vakündet in Heazn Liacht ei(n)kheat. Fian Glaubn und die Liablichkeit und Frieden af da Ead.  Halleluja, Halleluja     Elisabeth Paukovitsch

A se(i)gnsreiche Zeit bricht au(n), däi die Heazn neich dawaman kau(n). Wann die Wöt koit is und gfriat und im Le(i)bm zu fiehsta wiad. Do suacht se a Liacht duach die Nocht,  des dei Söö hölla und glicklicha mocht.  Es is an jedn gege(i)bm dea Mome(i)nt, dass-a däi himmlische Liab dake(i)nnt.  Oft is-as mit'n Frie(d)n net weit, wal's d'gspiast däi se(i)gnsreiche Zeit.    Elisabeth Paukovitsch

Zind ma au(n) a Kiazn und trogn ma ause as Liacht. Gspia ma däin Aufbruch,  dea in i(h)s gschiacht. Zind ma au(n) a Kiazn und trogn ma ause as Liacht.  Mit Hea(r)zkloupfn und Freid, wal's hölla wiad. Zind ma au(n) a Kiazn und trogn ma ause as Liacht.  Af'm We(i)g da Houffnung und in da Liab se kuana fiacht.                 Elisabeth Paukovitsch

I sing fia dia a Liad,  mei Heaz is sou beriaht.  Dei Nächstnliab i gspia,  däi Hüf wos i do kria(g). Loub und Daunk möicht i da sogn.  Mit Obstand tuast me trogn  duach däi schware Zeit. Losst me net allua, bist bereit.  Mei Liacht fia dia, des geht net aus.  I sing a Liad und sche(i)nk Applaus.   Elisabeth Paukovitsch

Wann die Sunn intageht,  hoit die Rosn iah Nochtgebet.  Es geht kua Liftal, is ois gstü,  wal die Sunn Guat Nocht sogn wü.  Ma heat kua Blattl rauschen,  kua Vöigal tuat se austauschn.  Le(i)g se ois zam Schlofn nieda, bis zam neichn Moagn wieda.  Zwischn d'Bama a liachta Stroih, winkt owa as le(i)tzte Moi.  Af da Flua da Augnblick steht,  wal fia heint die Sunn intageht.   Elisabeth Paukovitsch

Mei Huamatgfüh Mei Huamat is, wou i hianz geh und steh.  Bin i net do, tuat mia mei Hearz sou weh.  Wou's Schwoiwal schreit,  as Bachal rauscht sou gstü.  Do ghea-r- i hi(n), mei Huamatgfüh.  Mei Huamat is, wou steht da Lindnbam.  Die Blumen bliahn sou schöin, ois wia im Tram.  Voa'm Haus a Bankal, do sitz i gstü.  Do ghea-r- i hi(n), mei Huamatgfüh.    Mei Huamat is, nimmst du me in dein Oarm.  In deine Augen die Liab und leichtn woarm.  Vull Glick möicht daunkan an Hearrgoutt gstü.  Do...