A Mundart- Gedicht ois Gegenpol zu den täglichen "Hiobsbotschaften" und"Horrormeldungen"
Stroßnfest am Schubertplotz
August hauma a schau wieda - de Tog reinnan dahi wia bled -
jo es nutzt nix, de Zeit bleibt ned stei - na de vageht,
in Gmünd am Stodtplotz gibts an Johrmorkt rund uman Schirm -
owa de Gmünd-zwara haum a gaunz schei wos im Hirn,
da Günter Hackl und da Koitnböck Fraunz dan des mochn -
lusti gehts do zua und zan tringa und essn gibts vü guade Sochn,
waunns Weda passt is des gmiatli - do kauma herausn sitzn -
a bissl mitanaund trotschn und kudan - oft kimmt ma gaunz sche ins schwitzen,
a weing wos vadiena werns schau a de zwa -
owa es sei eahna vagunnt - a Haufn Orwat is jo a,
jetzt is boid des letzte moi fia des heirige Joahr -
jo, August hauma schau - a poar Maunat nu und es is wieda gor,
ma muas trotzdem amoi daunkschei sogn das sowos nu gmocht wiad -
wei aus Frust oda sunstwos haum eh schau vü zuagspiat!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.