Mei Huamat....Burgnlaund
Mei Huamatlaund, Burgnlaund wiad es genaunt.
Es is nit groß, grod recht,
die Leit duat findn sie oli z`recht.
A bissl Ebene, a bissl Woid
und wos uns nau sou gfoit,
des is da guidi Wein den die Winza moch,
waun ma deinn trinkt, gibts vü zan locha.
In deinn Laund is wiakli schei,
i mechts nit missn, i mecht ollawaü duat sei.
Da Neisiedlasee "Das Meer der Wiener" wiad er genaunt,
do wiad gschwumma - gseglt - gsörft und nau sou ollahaund.
Die Sunnuntagäng in Podasdoaf san wundaschei,
i mechts nit missn, i mecht ollawaü duat sei.
Da Seewinkl mit de Soizwossalockn und de Bluman de duat blian,
de vaschiedanan Vegl, de sou umanaunda fliagn,
de ausbautn Radlweg rund um an See, des ois is sou herrlich und schei,
i mechts nit missn, i mecht ollawaü duat sei.
Burgn gibts ba uns a recht vü,
maunchi san bekaunnt duach de Spü
de duat aufgfiat wean,
ma kaun Werke va berühmte Dichta und Musika hean.
Die Musi van Liszt und Haydn klingt sou wundaschei,
i mechts nit missn, i mecht ollawaü duat sei.
In Eisenstodt rund ums Eszerhazyschloss,
do is a gaunses Joahr wos los.
Ma kaun Konzerte im Haydnsaal genießn,
oda draußn im Schlosspark af da Wiesn.
Des Ambiente is fantastisch schei,
i mechts nit missn, i mecht ollawaü duat sei.
Im Leithagebirg, nia ca 470m hoch,gibts a poa Higln und vü Bam,
des gfoit uns, waü do san ma daham.
Do kaun ma waundan und spaziern geih,
i mechts nit missn, i mecht ollawaü do sei.
chrid
17 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.