A Gedicht hoid/34
Gmünd/Gmind
S'Woidviertl is schau a scheins Fleckal Erdn, ollawei -
gaunz om am Zipfi liegt Gmind, af da Greinz za da Tschechei,
des is a mittlari Stodt und zan findn ned so schwa -
do gibts ollahaund zan seng, a Glos- und Stoamuseum hauma a,
a Logamuseum, do geht oana um mit de Leit und zoagt eana wia des woar -
1914-1918 wor in Gmind a Flüchtlingsloga, gottseidaunk is des schau laung goar,
des is owa laung nu ned ois, na, na, do gibts nu vü mehr -
d'Blockheide, Wossabüffin, a Schloß, s'Palmenhaus, des gibt schau wos her,
Basketboi, Tennis und Fuaßboi wiad gspüt, wia hoid iwaroi -
des san so de Aktivitätn, do gehts um an kloan oda an greßan Boi,
s'besti Eis gibts a am Stotdplotz neman Schirm, weit und broad -
oda ma geht irgendwo waundan, mit ana Jausn, ba uns hoaßt des Bschoad,
a "Highlight" is natirli de eh schau bekaunti Sole-Fösn-Wöd -
durt is schei, es gibt vü Sochan und geht a goar ned so ins Göd,
am Stodtaumt "regiert" a Burgamastarin, ma kau mit ihr gaunz guad ren -
und ma hod schau des Gfüh, Sie bemüht Sie des Besti zan gem.
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.