A Gedicht hoid/76
100 Joar Niedaöstarreich - Bezirksfest Gmünd
Seit 1. Jänner 1922 is des Trennungsgesetz fia Wean und NÖ in Kroft -
und des greßnmäßig greßti Bundeslaund hod schau a Menge gschofft,
erscht seit 1986 hauma mit St. Pöltn a eigani Laundeshauptstodt sogor -
heit kau ma si des gor nimma vorstön wia des friacha amoi wor,
100 Joar NÖ feiat Gmünd am 24. und 25. Juni jetzt im 2022zga Joar -
das do de 21 Gemeindn mitdoan, des wor a gaunz kloar,
do gibts jetzt zwoa Tog a Programm des wos si gwoschn hod -
do derf ma nix vasama, rechtzeiti schaun wo wos los is, sunst is z'spod,
Gmünd hod si aussaputzt, los gehts am Saumstog um neini in da Frua -
owa wauns ned geht mochts a nix, ma kau a späda keima dazua,
um neini wern de Vatreta va de Gemeindn va da BH am Stodtplotz owi gei -
dazöhn wos, a Turtn wiad augschniedn, des wiad sicha a gaunz schei,
fia Jedn is wos dabei, Kultur, Musi, a Hüpfburg und so weida und so furt -
kulinarischi Schmankaln, a Flanierpromenade und fön derf a ned da Spurt,
oiso, Leitln keimts, schauts eich des au, des wiad sicha supa sei -
des is jo eh ois in oan Gretzl beinaund, oiso a ned gor so weit zan gei!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.