A Gedicht hoid/64
Da "NatURKNOIweg"
- hochgeladen von franz döller
Den "NatURKNOIweg" rund um Gmind soi ma unbedingt amoi gei -
gaunz vü Schätze der Natur siacht ma do, des is wirkli wundaschei,
des is a Rundwaundaweg, praktisch geht ma do rund um Gmind -
Zeit soi ma si neima, laungsaum soi ma gei und ned so gschwind,
do gehts um kosmologischi, paläontologischi Entwicklungen sogoar -
jo, seit dem URKNOI san vagaunga schau 13,7 Milliardn Joar,
a Runde san 14,8 km und ma geht so zirka vier Stund -
mitn Auto oanahoib Stund, gangad schnölla, is owa ned so gsund,
ban Palmenhaus soi ma aufaunga und geng an Uhrzoagasinn gei -
owa des soi a Jeda so macho wia a wü, do soi ma si lossn nix redn drei,
es gibt eh an Hauffa Infotofin, oiso, vareinnna kau mi si eigentli ned -
stei bleim, guad duachlesn und ma woas wias daun weida geht,
vü Sochan gibts zan seng, Storchnwiesn, Teichtln und durchn Woid geht ma a -
de Restling in da Blockheide kau ma ned mitneima, na de san z'schwa,
af jedn Foi is ned so schwa zan gei, weis eh floch und ned so bergig is -
an Fotoapparat soid ma schau mitneima, des wern scheini Fotos, des is gwiss!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.