A Gedicht hoid/65
Da Nöwistoa
Da Nöwistoa is mit 1.017m oana va unsari hechstn Berg -
geng an Mt.Evarest is a owa öwei nu a kloana Zwerg,
steht ma af da Plattform am Güpfi, siacht ma unhamli weit -
des muaß ma oafoch gseng haum, ma soi si wirkli neima de Zeit,
de Plattform haums neich baut, de is wirkli total wundaschei -
und va unt bis am Güpfi, is gor ned so weit und laung zan gei,
an Nöwistoa-Erlebnis-Waundaweg gibts a, do is gaunz schei wos los -
Wüdsauna, Oachkatzln kau ma seng, vielleicht sogar a an wüdn Hos,
ban schein Weda kau ma va da Plattform bis zan Ötscha schaun -
des is so a scheina Ausblick, wundabor und fost ned zan glaum,
jo, da Nöwistoa bei Moorbod Horboch, af dein kima stoiz drauf sei -
ma kau a nu vü mehr aundari Waundaweg rundumadum gei,
kriagt ma an Hunga van kraxln, gibts sogar a Jausn zan kafa a -
de Hittn zan findn is koa Problem und und wirkli ned schwa,
de Nöwistoahittn is glei umtam Gipfi und do kau ma mocha a Rost -
do gibts wos zan tringa, iwanochtn kau ma und es gibt Hausmannskost!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.