A Gedicht hoid/74
Mundort, Dialekt, a aundari "neichi" Sproch?.......
- hochgeladen von franz döller
I schreib jo Gedichte in Mundort, fia vü schwa zan vasteih -
owa friacha had ma so gredt und des wor so a gaunz schei,
natirli hod ma a schau dozumois noch da Schrift gsprocha a -
owa eha in da Stodt, fia d'Leit van Laund wor des eha schwa,
heit ba da Jugend, de haum zan Teil schau a eigani Sproch -
des zan vasteih, des is schau wirkli oft a schwieragi Soch,
is jo nix Schlecht's, Hauptsoch se keiman mitanaunda kloar -
a poar Beispüle, das ma an Untaschied keinnt wias friacha woar,
friacha hod ma gsogt des is a Jackn mit Kapuzn, heit sogt ma "hoody" dazua -
"chill mal Alter", hod friacha frei iwasetzt ghoassn - loss mi in Rua,
"raffen" hoast - i hob vastaundn um wos ba dera Soch eigantli geht -
"isso" hoast - des is so, ma kau nix eindan, es is schau z'spät,
hoid ma si a Jausn fia zwischndurch, hoast des heit "snacken" -
vasteht ma wos und ois is kloar, daun sogt ma heit "checken",
ois in oin is de "neichi Sproch" genauso schwa zan vasteih wia Mundort a -
owa ma kau jo heit ois "googeln", daun is des Gaunzi ned so schwa!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.