A Gedicht hoid/69
Pandemie, Delta, Omikron.......
De gaunzi Pandemie zaht si jetzt schau gaunz schei laung -
am Aufaung wors schlimm, do is aon worn gaunz aungst und baung,
Omikron hi, Omikron her, aungebli hod de Mutation jo an müdn Valauf -
owa wundan derf ma si ned, waun d'Leit song, jetzt schei..ma boid drauf,
impfn oda ned, i find ned das des de Gsöschoft spoitn duad -
und des Recht zan demonstriern is schau wichti und guad,
spoitn doan nua de Demonstrantn de wos gor ned wissn um wos geht -
de wön nua a weing an Krawei mocha und des is gaunz schei bled,
Jeda soi des so mocha wiara glaubt, des is jo ned so schwa -
boid gibts hoid a Pflicht zan impfn und gstroft wiad daun a,
ma kau jo a wau ma wü auni augurtn min Auto foahrn -
wiad ma dawischt zoit ma a und des is daun a Schmorrn,
schei laungsaum wiads fad und hoff ma das boid a Eind aussaschaut -
das ma si a wieda auni a Maskn in de Gschäftln einitraut,
ma wiad hoid öwei wieda a Auffrischung braucha, wia ba ana Gripp -
und fia de "Schwurbla", i glaub ned das ma einigspritzt kriagt an Chip!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.