A Gedicht hoid/58
"Schwaummazeit"
- hochgeladen von franz döller
Eindli, i kaus öwei ned dawortn, owa jetzt is boid soweit -
i gfrei mi schau, wei jetzt is wirkli boid "Schwaummazeit",
do wia i öwei gaunz kribbli, a Stofftoschn und s'Toschmessa gricht -
und ma nimmt sogor in Kauf, de Spinnaheit im Gsicht,
des gschiacht daun oft, wau ma in a Dickicht einikreit -
wei durt san daun d'Schwaumma oft a nimma weit,
zeitli in da Fria geh i meistns, do is am scheinstn im Woid -
nu ned so hoaß, na, oft sogor nu a bissl koid,
daun geht ma seini Platzl o und findt ma glei wos des is guad -
wei meistns wochsn daun nu mehr und es geht öwei so fuad,
i los öwei a poar Schwaumma zaumkeimma, bevor is daun putzn dua -
des Putzad vasteck i guad, daun hod ma va de aundan Leit a Rua,
am bestn is, waun de Schwaumma ned z'groß und ned wurmi san -
vü findt ma oft, wia ma so schei in Mundort sogt, am Sam,
dahoam werns daun putzt und hergricht zan essn, eigfrern kaumas a -
trickan kaumas a fia a Suppn, owa des is jo a ned so schwa!
Aktuelle Nachrichten aus Niederösterreich auf
2 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.